Search
Friday 16 November 2018
  • :
  • :

கிரிக்கெட் பேட்டுக்கும் சந்தோஷ் நாராயணனுக்கும் என்ன சம்பந்தம்…?

கிரிக்கெட் பேட்டுக்கும் சந்தோஷ் நாராயணனுக்கும் என்ன சம்பந்தம்…?

‘அட்டகத்தி’ மூலம் இசையமைப்பாளராக அறிமுகமாகி, தொடர்ந்து ‘பீட்சா’, ‘சூது கவ்வும்’, ‘குக்கூ’, ‘மெட்ராஸ்’, ‘36 வயதினிலே’, ‘இறுதிச்சுற்று’, ‘கபாலி’, ‘பைரவா’, ‘மெர்க்குரி’ உள்ளிட்ட பல படங்களுக்கு இசையமைத்தவர் சந்தோஷ் நாராயணன்.

அடுத்ததாக ரஜினி நடித்த ‘காலா’ படம் அவர் இசையமைப்பில் ரிலீஸாக இருக்கிறது.

ஈஸ்வரி ராவ், நானா படேகர், ஹுமா குரேஷி, சமுத்திரக்கனி, அஞ்சலி பாட்டில், அருள்தாஸ், சாக்‌ஷி அகர்வால், மணிகண்டன் ஆகியோர் முக்கிய வேடங்களில் நடித்துள்ள காலா படம் ஜூன் 7-ம் தேதி ரிலீஸாகிறது.

நேற்று பிறந்த நாள் கொண்டாடிய சந்தோஷ் நாராயணன் தன் மனைவியுடன் ரஜினியின் இல்லத்துக்குச் சென்று, அவரிடம் வாழ்த்து பெற்றார்.

வீட்டுக்குத் திரும்பிய அவருக்கு இன்ப அதிர்ச்சி.

‘சனா’ (சந்தோஷ் நாராயணனின் சுருக்கம்), ‘ஹேப்பி பர்த்டே நண்பா’ என பிரிண்ட் செய்து, ‘பிரியமுடன் விஜய்’ கையெழுத்திட்டு அவருக்கு கிரிக்கெட் பேட் ஒன்றைப் பரிசாக அனுப்பி வைத்துள்ளார் விஜய்.

அதை போட்டோ எடுத்து ட்விட்டரில் பதிவிட்டுள்ள சந்தோஷ் நாராயணன். “விஜய் சாரிடம் இருந்து மிகச்சிறப்பான ஆச்சரியப் பரிசு கிடைத்திருக்கிறது. சிறப்பாக வடிவமைக்கப்பட்ட பேட்டில், உங்கள் கையெழுத்திட்டுத் தந்ததில் மகிழ்ச்சி. இது எனக்கு மிகச்சிறப்பான தருணம். நன்றி அண்ணா” என தெரிவித்துள்ளார்.

இசையமைப்பாளர் சந்தோஷ் நாராயணனுக்கும் கிரிக்கெட் பேட்டுக்கும் என்ன சம்மந்தம் என்றுதான் தெரியவில்லை…




Close
Please support the site
By clicking any of these buttons you help our site to get better