Search
Wednesday 26 September 2018
  • :
  • :

அறிவழகன் கேட்ட அறிவுப்பூர்வமான கேள்வி

அறிவழகன் கேட்ட அறிவுப்பூர்வமான கேள்வி

க்யூப், யு.எஃப்.ஓ. உள்ளிட்ட டிஜிட்டல் சினிமா சர்வீஸ் வழங்கி வரும் நிறுவனங்களின் அதிக கட்டணத்தை எதிர்த்து கடந்த 1ஆம் தேதி முதல் புதுப்படங்களை ரிலீஸ் செய்ய மாட்டோம் என்று அறிவித்தது தமிழ்த் திரைப்படத் தயாரிப்பாளர்கள் சங்கம்.

இசை வெளியீட்டு விழா, பத்திரிகையாளர் சந்திப்பு உட்பட சினிமா தொடர்பான எந்த விழாவையும் நடத்தக்கூடாது என்றும் உத்தரவிடப்பட்டது.

அதோடு, மார்ச் 16ஆம் தேதி முதல் படப்பிடிப்புகளும் போஸ்ட்புரடக்ஷன் பணிகளும் நிறுத்தப்படும் என்றும் அறிவிக்கப்பட்டுள்ளது.

இந்நிலையில், தயாரிப்பாளர் சங்கத்தின் ஸ்டிரைக் அறிவைப்பை விமர்சித்து இயக்குநர் அறிவழகன் தைரியமாக ட்வீட் செய்துள்ளார். “மார்ச் மாதம் என்பது ஸ்டிரைக் உள்ளிட்ட எல்லாவற்றுக்கும் பாதுகாப்பான, ஈஸியான மாதமாகி விட்டது. ஏப்ரல் மாதம் ஏதாவதொரு பெரிய படம் ரிலீஸாகும். அதற்கு முன்பு இந்தப் பிரச்னையெல்லாம் தீர்ந்துவிடும். இதில் பாதிக்கப்படுவது மார்ச் மாதத்தில் படத்தை வெளியிட திட்டமிடப்பட்ட சிறிய படங்கள்தான். அவற்றை ரிலீஸ் செய்வது கஷ்டமான விஷயமாக இருக்கும்” என ட்விட்டரில் தெரிவித்துள்ளார்.

அறிவழகனின் அறிவுப்பூர்வமான கேள்விக்கு திரையுலகில் வரவேற்பு கிடைத்துள்ளது.

அவரது கருத்தை மையப்படுத்தி சினிமாதுறையினரின் வாட்ஸ்அப் குரூப்புகளில் சூடான விவாதங்கள் நடைபெற்று வருகின்றன.




Close
Please support the site
By clicking any of these buttons you help our site to get better